Ölkəmizdə futbolun inkişafına daim dəstək verən ABB bu istiqamətdə daha bir yeniliyə imza atmışdir. Bank dünyanın ən məşhur futbol klublarından “Yuventus”-la əməkdaşlığa başlamışdır. “İnter Arena”nın bazasında “Yuventus” Futbol Akademiyası yaradılmışdır. İtaliya çempionu olan bu klubla müvafiq saziş çərçivəsində bir sıra birgə sosialyönümlü tədbirlərində həyata keçirilməsi planlaşdırılır. Belə bir akademiyanın təşkilində məqsəd Azərbaycanda uşaq futbolunun inkişafına dəstək və “İnter” Futbol Klubunun mövcud infrastrukturunun inkişaf etdirilməsidir.
