“Azərbaycan Beynəlxalq Bankı” ASC (bundan sonra ABB və ya Bank) tərəfindən buraxılan adi səhmlərdir. Bu səhmləri əldə edən şəxs ABB-nin səhmdarı olur və bir səhmdar kimi Bankın illik xalis mənfəətindən dividend almaq, Səhmdarların Ümumi Yığıncaqlarında iştirak edərək həmin yığıncaqlarda gündəliyə qoyulmuş mühüm məsələlər üzrə səs vermək hüququ qazanır.

Dividend səhmdar cəmiyyətinin qazandığı xalis mənfəətdən öz səhmdarlarına ödədiyi puldur. Dividendin həcmi səhmdar cəmiyyətin xalis mənfəətinə və dividendin verilməsi barədə səhmdarların qərarına bağlıdır. Səhmdar cəmiyyət nə qədər çox xalis mənfəət əldə edərsə, bir o qədər öz səhmdarlarına dividend ödəmək imkanı əldə edir. Səhmdar cəmiyyətin səhmdarları il ərzində qazanılmış xalis mənfəətin bir hissəsinin (məsələn 10%, 20%, 50% və ya başqa hissəsinin), yaxud hamısının dividend formasında ödənilməsi barədə qərar qəbul edə bilər. Bu qərarlar Səhmdarların Ümumi Yığıncağında iştirak edən səhmdarların səs çoxluğu ilə qəbul edilir.

ABB öz səhmdarlarına dividend ödənişini 2019-cu ildən bəri bərpa edib. Bank 2022-cü ildə 125 milyon manat, 2023-cü ildə 156 milyon 600 min manat dividend ödəyib. 2024-cü ildə isə 185 milyon manat dividend ödəyib. Səhmbaşına düşən dividend 2022-ci ildə 2,8 qəpik, 2023-cü ildə 3,4 qəpik, 2024-cü ildə 4,1 qəpik təşkil edib.

Fiziki şəxslər üçün xeyr. 2028-ci ilin 1 fevral tarixinə qədər fond birjasının listinqində olan səhmdar cəmiyyətlərin, o cümlədən ABB-nin səhmləri üzrə ödənilən dividendlərə görə fiziki şəxslərdən vergi tutulmur.

İstənilən fiziki və hüquqi şəxs ABB səhmlərini əldə bilər.

Səhmlərin alışı üzrə minimal qiymət (nominal dəyər) bir səhm üzrə 27 qəpikdir. Abunə yazılışı dövründə investorlar öz sifarişlərini 27 qəpik və ya daha yuxarı qiymətlə təqdim edə bilər. Sifarişdə qiymət nə qədər yuxarı olsa, bir o qədər sifarişin təmin edilməsi ehtimalı artır. Əgər abunə yazılışı dövründə toplanılan sifarişlərin həcmi əlavə buraxılan səhmlərin sayından, yəni 322 000 000 ədəd səhmdən çox olsa, o zaman daha yuxarı qiymətlə verilmiş sifarişlər ilk növbədə təmin ediləcək.

Abunə yazılışı ABB-nin əlavə buraxılan səhmlərini əldə etmək üçün sifarişlərin təqdim edilməsi prosesidir. Abunə yazılışı dövrü 2024-cü ilin iyunun 11-də başlanıb və 10 sentyabradək davam edəcək. Abunə yazılışı dövrü bitdikdən sonra abunə yazılışı müddətində toplanmış sifarişlərin yerləşdirilməsinə başlanacaq.

Səhmlərin alışı üzrə minimal qiymət bir səhm üzrə 27 qəpikdir. Abunə yazılışı dövründə investorlar öz sifarişlərini 27 qəpik və ya daha yuxarı qiymətlə təqdim edə bilər. Sifarişdə qiymət nə qədər yuxarı olsa, bir o qədər sifarişin təmin edilməsi ehtimalı artır. Əgər abunə yazılışı dövründə toplanılan sifarişlərin həcmi əlavə buraxılan səhmlərin sayından, yəni 322 000 000 ədəd səhmdən çox olsa, o zaman daha yuxarı qiymətlə verilmiş sifarişlər ilk növbədə təmin ediləcək.

Bəli. Yerləşdirmə müddəti bitdikdən sonra əldə edilmiş səhmlər kağız daşıyıcıda “ABB-İnvest” İnvestisiya Şirkəti QSC-yə və ya digər investisiya şirkətlərinə sifariş verilməklə satış həyata keçirilə bilər. Yaxın gələcəkdə səhmlərin ABB mobile vasitəsilə elektron formada satışı da mümkün olacaqdır.

Xeyr. Abunə yazılışı müddəti bitənə qədər verilmiş sifarişlər ləğv edilə bilməz.

Xeyr. Lakin əlavə sifariş verə bilər.

Bəli. Bir investor minimal olaraq 100 ədəd, maksimal olaraq 400 000 ədəd ABB səhmi sifariş verə bilər. Bu məhdudiyyət üstünlük hüququ ilə verilən sifarişlərə şamil edilmir. Lakin üstünlük hüququndan əlavə verilən sifarişə qeyd olunan məhdudiyyət tətbiq edilir.

Üstünlük hüququndan istifadə imkanı barədə bildirişi sifarişli poçt göndərişi ilə əldə etmiş və bildiriş alındığı tarixdən on iş günü ərzində ABB-yə tələbini təqdim etmiş səhmdardır.

Səhmbaşına 27 qəpikdən aşağı olmamaq şərtilə istənilən qiymətdən əldə edə bilərlər. Üstünlük hüququ ilə verilmiş sifarişin qiymətindən asılı olmayaraq, həmin sifarişlər tam təmin ediləcək.

Üstünlük hüququ üzrə alına biləcək səhmlərin sayı səhmdarın Bankın nizamnamə kapitalında olan payına mütənasib qaydada hesablanır.

Misal:

Əhmədov Məmməd Vaqif oğlunun adında 650 000 ədəd ABB səhmi mövcuddur. Bankın dövriyyədə olan səhmlərinin sayı isə 4 539 436 367 ədəddir. Beləliklə, Əhmədov Məmməd Vaqif oğlu Bankın dövriyyədə olan səhmlərinin 0,0143%-nə sahibdir (650 000 / 4 539 436 367 = 0,0143%) və nəticə etibarilə onun Bankın nizamnamə kapitalında payı 0,0143% təşkil edir. Yeni buraxılan ABB səhmlərinin sayı 322 000 000 ədəddir. Beləliklə, Əhmədov Məmməd Vaqif oğlu əlavə buraxılan səhmlərdən üstünlük hüququ ilə 46 046 (0,0143%*322 000 000 = 46 046) ədəd səhm ala bilər. Əgər Əhmədov Məmməd Vaqif oğlu abunə yazılışı dövründə 60 000 ədəd ABB səhmlərinin alışı üçün sifariş versə, 46 046 ədəd səhmi o, rəqabətsiz və şərtsiz sifarişdə qeyd etdiyi qiymətlə əldə edəcək. Yerdə qalan 13 954 ədəd səhm isə digər investorların sifarişləri ilə müqayisə ediləcək və yalnız qiymət üstünlüyü olduğu təqdirdə təmin ediləcək.

Bəli. İnvestor istənilən sayda fərqli miqdar və qiymət göstərməklə sifariş verə bilər. Lakin, investor minimum 100, maksimum 400 000 ədəd səhm alışı sifariş edə bilər (üstünlük hüququ ilə verilən sifariş istisna olmaqla).

Qanunvericiliyə əsasən, yerləşdirmə üçün maksimal müddət 7 iş günüdür. Abunə yazılışı bitdikdən sonra 2 iş günü ərzində yerləşdirmə tarixi ilə bağlı elan verilir.

Sifariş icra edilmədikdə, sifariş üzrə ödənilmiş məbləğ investorun ABB-də açılmış hesabına geri qaytarılır.

Abunə yazılışı bitdikdən sonra, abunə yazılışı dövründə toplanmış bütün sifarişlər aşağıdakı ardıcıllıqla icra edilir:

1) Üstünlük hüququna malik səhmdarların üstünlük hüququ üzrə onların payına düşən səhmlərin alınması üzrə verilmiş sifarişləri icra ediləcək;

2) Yerdə qalan bütün sifarişlər, o cümlədən üstünlük hüququna malik səhmdarların üstünlük hüququndan artıq verilmiş sifarişləri qiymətə görə sıralanacaq və daha yüksək qiymətlə verilmiş sifarişlər ilk növbədə icra ediləcək;

3) Əgər toplanan sifarişlərin həcmi təklif edilən səhmlərin sayından (322 000 000 ədəd) çox olsa, eyni qiymətlə verilmiş sifarişlər sifarişdə alınan səhmlərin sayına görə mütənasib qaydada icra ediləcək.